AF268: 23v

dāyirdür on beşer aqçe vėrürler ayrıq nesne vėrmezler ve evleri yanında kefāf‑i nefsleri‑çün // ekdükleri sebzevātdan mādām‑ki ṣatmayalar nesne alınmaz ve illā ṣatsalar ʿöşrin // vėrürler ve bāġlarından daḫı ʿöşr vėrürler ve müsülmānlar taṣarruf eyledükleri bāglardan // her dönüm başına dörder aqçe resm‑i dönüm vėrürler mādām‑ki bāġlarınuñ maḥṣūlın // şarāb eylemeyüb turşı ve bekmez ėdeler ve resm‑i ʿarūsānelerinde ehl‑i İslām olanuñ // bākirelerinden altmış aqçe ve s̱eyyibelerinden otuzar aqçe aluna ve kāfirin [!] bākirelerinden // otuzar aqçe ve bīvelerinden on beşer aqçe aluna ayrıq alınmaya ve cerīmeleri ḥükm‑i qāḍī // lāḥıq olduqdan ṣoñra baş yarıġından yüz aqçe ve qara bereden alli aqçe aluna // ziyāde alınmaya ve ṣalb ü siyāsete müstaḥaq olanlaruñ aqçelerin almayub qıṣāṣ // ėdüb siyāset ėdeler ve nehr‑i Ṭūna ile Tīsada şikār olanlaruñ māhīlerüñ // ve ṭalyanlaruñ maqṭūʿ olanlardan māʿadāsınuñ ʿöşri aluna ve ṣatılub ṭaşra // gitse alandan gümrük aluna ve baʿżı ṭalyanlaruñ ki nıṣf‑i māhīsi mīrīye qayd olunmışdur // anuñ gibilerüñ mīrīsi çıqduqdan ṣoñra yine qalandan ʿöşr aluna ve ṣatun // alub ṭaşra gidenden gümrük aluna ve nehr‑i Tīsadan ʿubūr ėden atludan birer aqçe // ve iki piyādeden birer aqçe aluna ziyāde alınmaya menʿ ėdeler ve nefs‑i Segedīn // varoşlusından gendü meṣāliḥleri‑çün geçenden dört neferden bir aqçe aluna // ve ṣıġırdan ve alaşadan ve bunlaruñ ems̱ālinden ikisinden bir aqçe resm‑i geçüd alınur // ve ol maqūle celb qoyunından her birinden birer aqçe alınur ve yüz qoyun derisinden // sekiz aqçe alınur ve iskeleden ʿubūr ėden bir fuçı ḫamrden on iki buçuq aqçe alınur // ve esbāb ve meʾkūlāt ile ṭolı fuçıdan dört aqçe alınur boş fuçıdan iki // aqçe alınur ve dolı öküz ʿarabasından sekiz aqçe ve tehī ʿarabadan dört aqçe // alınur ve ʿarabada olan tereke geçdükden ṣoñra bāzāra iledüb ṣatılsa // resm‑i fırṭalīye dėyü iki aqçe kile aqçesi aluna ayruq alınmaya ve bāzāra ʿaraba ile // otluq getüren kimesneden bir demed otluq ve odun getürenden bir aġac odun ve qamış // getürenden bir demed qamış bāc aluna ayruq alınmaya ve bāzāra gelen reʿāyā ki